Bron: Eelke Lok
Meiprate
Wy meie fan nije wike ôf diskusieare mei de provinsje oer ús wenomjouwing. Da’s moai. It hat in fleuchje fan de brede maatskiplike diskusje oer streekplan Fryslân yn de 70-er jierren fan de foarige ieu. In fleuchje. Want je prate nó mei amtners. Lju dy’t krekt fan de universiteit kaam binne en it libben noch net kinne. Wittenskippers. Hindert neat. Je pompe der ynformaasje yn. En dan skriuwe sy in plan. Dat duorret in jier as wat, mar dan leit der ek wat. Dat bringe se dan nei it kolleezje fan deputearre steaten. En dan seit Sander de Rouwe dat it fierstentefolle kostet. Dan skriuwe se in megerder plantsje en dan is der by ús gâns ûnfrede oer it tonielspyljen mei de provinsje.
